УИХ-ын эмэгтэй гишүүд сууж сууж ганц ажил санаачилсан нь  "Шүгэл" төсөл.  Уг  төсөл нь гэр бүлийн хүчирхийлэл, хүүхдийн эрх зөрчигдөж буй асуудалд шүгэл үлээе, хариуцлагатай болъё гэсэн мессежийг хөндөж байгаа гэх. 
Хачирхалтай нь, хүмүүс аюулд орсон үедээ шууд утгаараа шүгэл үлээнэ. Тодруулбал өчигдөр буюу гуравдугаар сарын 23-нд  УИХ-ын гишүүн Х.Булгантуяа "Шүгэл нь дэлхийн олон улс, орнуудад хэрэглэгддэг бөгөөд хүүхэд, эмэгтэйчүүд хүчирхийллийн аюулд өртсөн, осол аваар, байгалийн гамшгийн үед болон тусламж хэрэгтэй ямар ч үед шүглээр дохио өгдөг" гэж хэлээд шүлстэй шүгэл үлээв. Энэ үйлдэл нь хэр оновчтой шийдэл вэ. Техник технологийн эрин зуунд хүмүүс аюулд орвол ямар технологийг хэрэглэж байна вэ?

Хамгаалалтын дуут дохио
Энэхүү хэрэгслийг цүнхнээсээ эсвэл түлхүүрийн оосроосоо зүүх боломжтой. Аюул осолд орсон үедээ төмрөн хэсгийг татаж авахад 140 децибелийн чанга чимээ гаргадаг байна.
Сонголтоосоо хамаарч гаргах чимээ нь өөр, өөр (Нохой гаслах, аюулын дохио дугарах гэх мэт). Энэ чимээг сонссон хүмүүс бусдад аюул учирсныг мэдэж тусламж үзүүлдэг байна.

My Buddy Tag буюу хамгаалалтын дохио илгээгч
Энэхүү төхөөрөмжийг эцэг эхчүүд болон багш нар ухаалаг гар утас, таблетаараа дамжуулан ашиглах боломжтой. Таны хүүхэд төөрөх эсвэл сандрах үедээ дохиоллын товчлуурыг дарвал таны утсанд сэрүүлэг дуугарч, мэдэгдэхээс гадна хаана байгааг нь харуулдаг байна.