БНХАУ маргаашнаас хилээ нээхээр болсонтой холбоотойгоор Улсын онцгой комисс өнөөдөр хуралдаж, түр журам батлах юм. Учир нь, БНХАУ-ын иргэд Монгол Улсад ирэхдээ зөвхөн асуумж бөглөнө. Харин монголчууд Хятад руу нэвтрэхдээ таван заалт бүхий хатуу шаардлагыг биелүүлэх учиртай юм: Тиймээс Эрүүл мэндийн сайд С.Чинзориг Шадар сайд болоод Боомтын сайдад ялгамжтай байдлыг арилгах хүсэлт тавьснаар тэд санал нэгджээ.
Тухайлбал, БНХАУ- руу явах монгол иргэдээс 48 цагийн дотор өгсөн PCR шинжилгээний хариу шаардаж байгаа. Тиймээс Хятад улсаас болон дамжин ирж байгаа иргэд 48 цагийн дотор өгсөн PCR шинжилгээний сөрөг хариутай байх ёстой. Мөн хил гараад 48 цагийн дотор буцаж ирвэл түргэвчилсэн шинжилгээ өгч хил нэвтрэх гэх мэт шаардлагуудыг журамд тусгана гэдгийг Эрүүл мэндийн сайд С.Чинзориг мэдээллээ.  
Ийнхүү иргэдийн шүүмжлэлд өртөөд байсан ялгавартай байдал ийнхүү үгүй болж, Гадаад харилцааны сайдын хийж чадаагүйг С.Чинзориг сайд хийн, иргэдийнхээ талд шийдвэр гаргалаа.