Өмнөд Солонгосын "BTS" хамтлагийн дуучин Мин Юнги "NBA"-ын элч төлөөлөгчөөр томилогджээ. Реппер, ая зохиогч, продюсер Шюга сагсан бөмбөгийн шүтэн бишрэгч. "Dynamite" дууны клипээс сагсан бөмбөгийн талбайд өмсгөл өмсөн зогсож буй Шюгаг харж болно. Тэрбээр тайзны нэрээ  сагсан бөмбөгийн спортоос санаа авсан гэдэг.

"Шюга элч төлөөлөгчийн хувьд 2022-2023 оны улирал болон түүнээс хойших хугацаанд дэлхий даяарх хөгжөөн дэмжигчдийг холбооны үйл ажиллагаанд татан оролцуулах болно. АНУ болон Ази дахь "NBA"-ын тоглолт, арга хэмжээнд оролцох, лигийн сурталчилгааны үйл ажиллагаанд оролцоно. "NBA" мөн Шюгагийн анхны бие даасан аялан тоглолтод оролцож, анхны бие даасан цомгийн тоглолтууд дээр хамтран ажиллах болно" гэж "NBA" албан ёсны мэдэгдэлдээ дурджээ.

Тэрбээр "Хөгжим, сагсан бөмбөг бол миний хар багын хүсэл тэмүүлэл. "NBA"-ын элч төлөөлөгчөөр нэрлэгдэх нь миний мөрөөдөл. Би "NBA"-тай харилцаагаа албан ёсоор баталгаажуулж байгаадаа баяртай байна. Ирэх саруудад төлөвлөж буй сонирхолтой үйл ажиллагаануудад хамтарч ажиллах мөчийг тэсэн ядан хүлээж байна" гэжээ.