Хөл бөмбөгийн түүхэн дэх хамгийн өндөр цалинтай дасгалжуулагч болох боломж.

“Corriere dello Sport” сайтын мэдээлснээр “Рома” багийн дасгалжуулагчтай Саудын Арабын өндөр албан тушаалын төлөөлөгчид шууд холбогджээ. Португал мэргэжилтэнд хоёр жилийн хугацаатай, улирал бүр 60 сая еврогийн цалинтай гэрээний санал тавьсан байна.

Өдгөө 60 настай  Жозе Моуриньод Криштина Роналдогийн тоглож буй “Аль-Наср” болон тус улсын хоёрдугаар дивизонд тоглодог “Аль-Ахли” гэсэн гурван багийн аль нэгийг удирдах санал ирээд байгаа юм.

Үүний зэрэгцээ  Жозе Моуриньо эхний улирлын дараа гэрээгээ цуцлах боломжтой болно. Хэрэв тэрбээр зөвшөөрвөл хөл бөмбөгийн түүхэн дэх хамгийн өндөр цалинтай дасгалжуулагч болох билээ.

Жозе Моуриньо Саудын Арабын саналыг авч үзэж байгаа бөгөөд “Рома” клубт үлдэх боломжтой гэж тэмдэглэжээ.