Аляскагийн Үндэсний агаарын аврах албаныхан жижиг арлаас жирэмсэн эмэгтэйг авчирахын тулд 1062 км ниссэн нь олны талархлыг хүлээгээд байна. Жирэмсэн эмэгтэйг Оросын хилээс 3 км зайд орших алслагдсан бүсийн жижиг арлаас эмнэлэгт хүргэжээ.

Жирэмсэн эмэгтэй 80 гаруй хүн оршин суудаг баруун хэсгийн жижиг арлаас гэдэс нь өвдсөн зовиуртайгаар аврагчдад хандсан байна. Тус арлын оршин суугч уугуул иргэд нь цагаан баавгай, далайн хав, хөх хавч зэргийг авлан амьдардаг бөгөөд эмчийн мэдлэгтэй нэг ч хүн байгаагүй ажээ.

Тулаан болон аврах ажиллагааны зориулалттай хос хөдөлгүүрт онгоцоор Берингийн хоолой дахь арлаас хөөрч, ямар ч буух зурвасгүй талбайд газарджээ. Нисэх онгоцны хамгийн холын зайн аврах ажиллагааны үеэр 5 цаг үргэлжилсэн нислэгийн үеэр онгоцны түлшийг агаарт олон удаа цэнэглэсэн байна. Берингийн хоолойн оролцоо Оросын онгоц тогтмол нисдэг ч аливаа зөрчлөөс сэргийлэн Аляскагийн аврах алба Олон улсын огнооны шугамын АНУ-ын талыг барин нисчээ. 

Хэдийгээр олны бахархлыг төрүүлээд байгаа ч Аляскагийн агаар, газрын аврагчдын хувьд энэ төрлийн холын аврах ажиллагааг жилд багадаа 14 удаа хийдэг гэнэ. Ердөө 730 мянган хүн амтай ч Аляска нь алслагдсан, цаг агаарын эрс тэс уур амьсгалтай.