Дорнод аймагт гарсан ойр хээрийн түймрийг цурамд оруулсан байна.

Дорнод аймгийн Халх гол суманд гарсан түймэрт Нөмрөгийн дархан цаазат газрын баруун эрэг дагуух газар галд өртсөн ба зүүн тийш буюу Онгон бүс руу гал ороогүй байна. Түймрийн гал, утаанаас зугтсан Цагаан зээрийн хэсэг сүрэг Халхын голын Хамар давааны энгэрт хэсэг хугацаанд нөмөр бараадан зогсож байгаад хөдөлжээ. 

Экспедици-2 Халхгол сумаас баруун зүгт 35 км-т Ташгай баг орчмоор харвалт үйлдэж, үүлэнд нөлөөлж, хур тунадас нэмэгдүүлэлт амжилттай боллоо гэж албаныхан мэдээлэв.

Харин өөр эх сурвалжийн хэлж буйгаар Дорнодын ой хээрийн түймрээс зугтаасан зээрийн сүрэг Хятадын хил давж орж ирлээ гэсэн бичлэг Өвөрмонголын мэдээллийн хэрэгслээр гарчээ.