"ROAD TO ONE MONGOLIA" шоуны ялагч, “Шандас ММА” клубын тамирчин Б.Энх-Оргил энэ сарын 21-ны өдөр Тайланд улсын нийслэл Бангкок хотын алдарт Лумпини стадиумд "ONE Championship"-ын анхны тулаанаа "ONE Lumpinee-13" эвентэд хийхээр өчигдөр Бангкок хотод очиж, бэлтгэлээ эхлүүллээ. "ONE Lumpinee-13" эвентийн үеэр 10 муай-тай /Тайланд бокс/, хоёр холимог нийт 12 тулаан болох юм. Тус тэмцээнд Тайланд, ОХУ, Бразил, Mонгол, Хятад, Турк, Mалайз, Филиппин зэрэг орны тамирчид тулалдах юм.

Манай удсын тамирчин Б.Энх-Оргил "ONE WARRIOR SERIES PHILIPPINES"-ий ялагч 29 настай Адонис Севилленотой тулалдах бөгөөд 34 настай Б.Энх-Оргил мэргэжлийн түвшинд долоон ялалт, хоёр ялагдалтай бол түүний өрсөлдөгч Севиллено сонирхогчийн зэрэглэлд нэг ялалт, мэргэжлийн түвшинд хоёр ялалт, гурван ялагдал хүлээж байжээ.

Mонголд уг тулааныг Premier Sports Network 2023 оны дөрөвдүгээр сарын 21-ний 20:30 цагаас шууд дамжуулах юм байна.