Саудын Арабын Хааны цомын тэмцээний хагас шигшээд 1-0 оноогоор "Аль Вехда" багт хожигдсон "Аль-Насср" багийнхан цом өргөх ээлжит боломжоо алдлаа. Роналду болон "Аль-Насср" клубын гурав дараалсан гоолгүй тоглолт энэ юм. 

Дэлхийн шилдэг хөлбөмбөгчин Криштиано Роналдуг эгнээндээ нэгтгэсэн "Аль-Насср" клуб энэ улиралд Эр-Риядын Супер цом, Саудын Арабын Супер цом, Про лигийн цом, Саудын Арабын Хааны цом гээд оролцсон дөрвөн тэмцээнийхээ алинд нь ч түрүүлж чадсангүй.

Дэлхийн хамгийн өндөр цалинг түүнд төлж буй "Аль-Насср" клубын удирдлагууд сүүлийн үед Роналдуд сэтгэл дундуур байх болжээ. Тухайлбал, "Аль-Насср"-ын ерөнхийлөгч Мусалли Аль-Муаммар "Би амьдралдаа ердөө хоёрхон удаа луйвардуулсан. Эхнийхэд нь, би гурван кебаб захиалаад ердөө 2-ыг нь авч байлаа. Хоёр дахь нь, Криштиано Роналдутай гэрээ байгуулсан" хэмээн ярьжээ.