Узбекистаны нийслэл Ташкент хотод болж буй Боксын эрэгтэйчүүдийн Дэлхийн аварга шалгаруулах тэмцээний хоёр дахь өдөр буюу өчигдөр\2023.05.02\  ОУХМ Баатарсүх овогтой Чинзориг эхний тулаанаа хийлээ.

Тэрбээр Австралийн тамирчин Максимилиан МакКлериг гурван үед 5-0 харьцаагаар илүүрхэж ялсан юм.

Шүүгчдийн үнэлгээ:

Шүүгч	Б.Чинзориг	Максимилиан МакКлери
Азербайжан	30	27
Марокко	30	27
Тунис	30	26
Молдав	30	27
Узбекистан	30	27

Тус тоглолтыг олон улсын таван шүүгч шүүсэн бөгөөд манай улсын тамирчны хувьд шүүгчдийн нэгдсэн саналаар яллаа. 

Б.Чинзориг ДАШТ-ий хоёрдугаар шатанд Камеруны боксчинтой тавдугаар сарын 4-д улаан булангаас тулалдана. 

ДАШТ-ийг Монголын шигшээ багийн 10 тамирчин зорьсноос одоогоор дөрөв нь эхний тулаанаа хийж хоёр нь дараагийн шатанд шалгараад байна. Өнөөдөр буюу тавдугаар сарын 3-ны өдөр 

• -60 кг жинд Тэгшжаргалын Энхтөр шигшээ 16-д шалгарахын төлөө Доминиканы тамирчинтай
• -71 кг жинд Отгонбаатарын Бямба-Эрдэнэ шигшээ 32-т шалгарахын төлөө Францын тамирчинтай тус тус тулалдана.

Т.Энхтөрийн хувьд тэмцээний эхний өдөр Палестины тамирчныг 5-0 харьцаагаар ялсан билээ.