Эрүүл мэндийн сайд С.Чинзориг шүд хөтөлбөрийн талаар өнөөдөр мэдээлэл өгөв.

Тэрбээр "Хүүхдүүдийн дунд шүдний өвчлөл их байгаа тул энэ жил хоёр төрлийн арга хэмжээ авна. Ингэхэд таван тэрбум төгрөгийн нэмэлт санхүүжилт шаардлагатай байгаа.

Нэгдүгээрт, хүүхдүүдийн дунд амны хөндийн ариун цэврийг сахих, хамгаалах тусламж үйлчилгээ

Хоёрдугаарт, шүд цоорохоос сэргийлэх фторт түрхлэгийн тусламж үйлчилгээг үзүүлнэ. Хүүхдийн амны хөндийн ариун цэврийн үзлэгийн чанарыг сайжруулна.

Өрхийн эмнэлэг, сумын эрүүл мэндийн байгууллагын хүлээх үүрэгт иргэдийн амны хөндийн ариун цэвэр, шүдний өвчлөлд хяналт тавьж ажиллахыг оруулж байгаа" гэлээ.

0-17 насны хүүхдүүдийн дунд шүд цоорох өвчний тархалт 80 гаруй хувьтай буюу 10 хүүхэд тутмын 8 нь цоорхой шүдтэй байгааг ЭМЯ-ны Нийтийн эрүүл мэндийн газрын дарга Д.Баярболд мэдээлж байсан юм. Засгийн газраас улсын хэмжээнд шүд төслийг эхлүүлэхээ зарласан билээ.