Хилчид төөрсөн иргэнийг дрон ашиглан эсэн мэнд олсон байна.

Тодруулбал, Хөвсгөл аймгийн Ханх сумын нутаг Бүрэнхаан ууланд авиралт хийж явсан ОХУ-ын иргэн энэ сарын 6-ны өдөр төөрчээ. Хамт авиралт хийж явсан хүмүүсээс салж, төөрсөн байна. Төөрсөн иргэнийг эрэн хайх хүсэлтийг авиралтын багийн зүгээс Хилийн цэргийн 0257 дугаар ангид тавьсны дагуу эрлийн бүлэг дрон ашиглан олжээ.

Тус иргэн нь улсын хилээс 5 км-т явж байсан бөгөөд биеийн байдал хэвийн болохыг Хил хамгаалах байгууллагаас мэдээллээ.