Цахим залилан улам төгөлдөржиж, арга нь нарийсчээ. Утсаар чинь ярьчихаад өгье гэнгүүтээ дансан дахь мөнгийг нь хоосолчихдог. Саяхан Туркэд монголчууд шинэ жилийн баяраа хамтран тэмдэглэж байгаад нэг нь тасраад унангуут гарынх нь хээг уншуулан мөн л дансыг нь хоосолсон явдал гарсан. Тиймээс утсаараа яриулаач гэх тохиолдолд өөрөө хохирогч болж үлдэхээс сэргийлээрэй гэдгийг цагдаагийн байгууллагаас сэрэмжлүүлж байна. 
Энэ дагуу цахим орчинд үйлддэг гэмт хэргийн тоо дэлхийд төдийгүй Монголд ч хурдацтайгаар өсөж буй тул учирч болзошгүй эрсдэлээс урьдчилан сэргийлэхийг зөвлөлөө. Үүнд,
-Гар утас, таблет болон компьютер гэх мэт хувийн төхөөрөмждөө нууц үгээр нэвтрэх тохиргоо хийх;
-Олон нийтийн болон үйлчилгээний газрын баталгаагүй /үнэгүй Wi-Fi сүлжээнд холбогдохгүй байх; /Энэ нь Wi-Fi сүлжээгээр дамжуулан хувийн мэдээлэл, нууц үгээ алдах эрсдэлээс таныг хамгаална./
      -Хувийн мэдээлэл агуулсан төхөөрөмж болон гар утсаа бусдад өгөхгүй, дамжуулан ашиглуулахгүй байх,
      -Сошиал орчинд сонжоо бөглөх, сэжигтэй линк дээр дарж орон хувийн мэдээлэл, цахим банкны нэвтрэх нэр нууц үгээ оруулахгүй байх,
      -Олон нийтэд зориулсан төхөөрөмжөөс цахим банк руугаа хандахгүй байх. Хэрэв хандсан бол заавал Log out/Sign out үйлдлийг хийн гарах,
      -Өөрийн төхөөрөмжид нууцлал аюулгүй байдлыг хангасан тохиргоонуудыг хийсэн байх, 
      -Хувийн мэдээлэл агуулсан аппликэйшндээ нэвтрэх нэр, нууц үгээ сануулахгүй байх,
      -Дансны дугаар, нууц үг, регистрийн дугаар зэрэг нууцлалтай мэдээллээ гар утсан дээрээ болон и-мэйл дотроо хадгалахгүй байх,
      -Хялбар аргаар мөнгө олох аргуудад итгэн хувийн мэдээллээ бусдад бүү дамжуулаарай. Дансаараа гүйлгээ хийж өгөөд урамшуулал аваарай, койн өсгөх арга зааж өгье гэх мэт зараас болгоомжлоорой.