“Их багтаамжийн давхар зогсоолын төсөл”-ийг хэрэгжүүлэх сонгон шалгаруулалт зарлалаа.

Тодруулбал, төсөл хэрэгжүүлэх эрх олгогдсон хуулийн этгээд/түншлэл нь өөрийн болон өөрийн боломжоор олсон хөрөнгөөр төслийг санхүүжүүлнэ.

Сүхбаатар дүүрэг, 2 дугаар хороо, "Монгол Шаазан" ХХК-ийн баруун талд 4 давхар авто зогсоолын барилга,

Сүхбаатар дүүрэг 7 дугаар хороо Нийслэлийн ерөнхий боловсролын 2 дугаар сургуулийн ар талд 7 давхар авто зогсоолын барилга угсралтын ажлыг тус тус гүйцэтгэн, гэрээний хугацаанд төлбөртэй зогсоолын үйл ажиллагаа явуулж менежментийг хийж гүйцэтгэнэ хэмээн сонгон шалгаруулалтын урилгад дурдсан байна.

Сонгон шалгаруулалтад оролцох хүсэлтэй хуулийн этгээд/түншлэл нь сонгон шалгаруулалтын баримт бичигт заасан техникийн болон санхүүгийн чадвартай байх шаардлага тавигджээ.

 “Улаанбаатар хотын хөгжлийн корпораци” ХК сонгон шалгаруулалтыг зарласан бөгөөд Хангарди ордны 9 дүгээр давхарт байрладаг байна.