Өнөөдөр өглөө\2023.05.09\ болсон Д.Монголхүүд холбогдох Нийслэлийн эрүүгийн хэргийн давж заалдах шатны шүүх хурал түүнийг цагдан хорих ангиас авч ирэх хүртэл түр завсарлаад байсан билээ. Тэгвэл Д.Монголхүүг цагдан хорих ангиас авчирч, түүний цагдан хорих ялыг зорчих эрхийг хязгаарлах ялаар солих шийдвэр гаргажээ.

Түүний цагдан хоригдсон хугацааг зорчих эрхийг хязгаарлах ялаас хасаж тооцно хэмээн шүүхийн эх сурвалж мэдээллээ.

Шүүхээс түүнийг 2021 оны есдүгээр сарын 30-ны өдөр Сүхбаатар дүүргийн 6 дугаар хороо, жанжин Сүхбаатарын нэрэмжит талбайд цуглаан зохион байгуулах үедээ Сүхбаатар дүүргийн Цагдаагийн газрын нэгдүгээр хэлтсийн албан хаагчдыг албан үүргээ биелүүлэхтэй нь холбогдуулан хүч хэрэглэн, хүч хэрэглэхээр заналхийлж эсэргүүцсэн гэм буруутайд тооцоод байгаа билээ.