Украины Ерөнхийлөгч Володимир Зеленський Герман улсад айлчлах үеэрээ сэтгүүлчдэд мэдээлэл өгөхдөө "Украин улс Оросын нутаг дэвсгэр рүү довтлохгүй" гэж мэдэгджээ. 

Зеленський "Бид Оросын нутаг дэвсгэр рүү довтлохгүй. Бидэнд үүнийг хийх цаг хугацаа, хүч чадал, нэмэлт зэвсэг ч байхгүй. Бид хууль бусаар булаан авсан бүх газар нутгуудаа эргүүлэн авахын тулд сөрөг довтолгоонд бэлтгэж байна" гэжээ.

Дээрх мэдэгдэл нь олон нийтэд задарсан Пентагоны нууц баримт бичгүүдтэй холбоотой бөгөөд тус баримтуудад Украины Ерөнхийлөгч ОХУ-ын хил орчмын нутаг дэвсгэр рүү довтлох, ОХУ-аас Унгар руу чиглэсэн "Дружба" газрын тосны хоолойг дэлбэлэх төлөвлөгөөтэй байсан гэх мэт эрсдэлтэй үйлдлүүдийг албан тушаалтнуудтайгаа хэлэлцсэн талаар Вашингтон Пост мэдээлсэн байна. Гэвч Пентагон дахь эх сурвалжууд уг баримт бичгийн үнэн зөв эсэхийг албан ёсоор батлаагүй байна. 

Зеленськийн Тамгын газрын даргын зөвлөх Михайло Подоляк ням гарагт украин, англи хэлээр хоёр жиргээ бичжээ. “Газар нутгаа хамгаалах төрөл бүрийн арга замуудын талаарх Украины удирдлагуудын хэлэлцүүлгийн талаар сэтгүүлчийн судалгаа юу нотолж эсвэл өөрчлөх вэ? Юу ч биш... Би та бүхэнд сануулъя.

1. #Орос дайн эхлүүлсэн;
2.#Украин өөрийгөө хамгаалахын тулд ямар ч арга хэрэглэж болно;
3. Дэлхий өөрчлөгдсөн. Оросоос хэн ч айхаа больсон" гэжээ.

 

Эх сурвалж: BBC