Орон нутагт мал хулгайлахад ашигласан автомашины үнийг хэрэг үйлдсэн этгээдээс гаргуулсан тухай шүүхийн шийдвэрийн талаар хуулийн байгууллагаас мэдээллээ.

Архангай аймаг дахь сум дундын Эрүүгийн хэргийн анхан шатны шүүхийн
шүүгч П.Гандолгор "Аймгийн Прокурорын газраас Ж, Т нарыг бүлэглэн тус аймгийн Х сумын нутаг А гэх газар 2021 оны 09 дүгээр сарын 7-8-нд шилжих шөнө П-н дөрвөн үхрийг машин механизм ашиглан хулгайлсан гэмт хэрэгт холбогдуулан яллах дүгнэлт үйлдэж, хэргийг шүүхэд ирүүлжээ.

Ж, Т нар нь нэг гэр бүлийн хүмүүс бөгөөд мал хулгайлах гэмт хэргийг үйлдэхдээ тээврийн хэрэгсэл ашигласан болох нь тогтоогдсон. Уг тээврийн хэрэгсэл нь Ж, Т нарын эзэмшлийнх биш, саахалт айлын хүнийхээ тээврийн хэрэгслийг унаж явсан бөгөөд уг тээврийн хэрэгслийг шинжээч 8,000,000 төгрөгөөр үнэлсэн байна.

Анхан шатны шүүхээс Ж, Т нарыг бүлэглэн бусдын олон тооны малыг машин механизм ашиглан хулгайлсан гэмт хэрэг үйлдсэн гэм буруутайд тооцож, гэмт хэрэг үйлдсэн нөхцөл байдал, учруулсан хохирол, хор уршгийн шинж чанар, хувийн байдал зэргийг харгалзан Ж-г 2 жил 6 сарын хугацаагаар хорих ялаар, Т-г 2 жилийн хугацаагаар хорих ялаар шийтгэж тэднээс гэмт хэрэг үйлдэхэд ашигласан тээврийн хэрэгслийн үнэ болох 8,000,000 төгрөгийг хурааж, улсын орлого болголоо" гэв.