Монголын хамгийн том асуудал утаа болсон. Сайжруулсан шахмал түлшийг хэрэглээнд нэвтрүүлээд эхний удаад утаа 40 хувиар буурсан гэж байсан ч өнөөдрийн байдлаар нийслэлчүүд хорт хийгээр амьсгалж, угаарандаа дүйнгэ явах боллоо. Арга бараад БОАЖ-ын дэд сайд нь яндангууд битүүрчихжээ. Хөөлөхөөс гээд явж байх вэ.  
Гэтэл үе үехэн тасалддаг сайжруулсан шахмал түлшийг хадгалахын тулд төр, засаг агуулах түрээслэж, жилийн 15 тэрбум төгрөгийг төлдөг байна.  
2019 оны намраас Сайжруулсан шахмал түлшийг хэрэглээнд нэвтрүүлж эхэлсэн гээд тооцоход, дөрвөн жилийн хугацаанд агуулахын түрээсэнд нийтдээ 60 тэрбум төгрөгийг зарцуулжээ.
Нэг жилийнх нь түрээсийн мөнгөөр Хүүхдийн хавдрын гурван эмнэлэг, таван цэцэрлэг барих боломжтой. Саалиа бэлдэхээс саваа бэлд гэгчээр шахмал түлшээ агуулах сав, байраа эртнээс бэлдээгүйгээс татвар төлөгчдийн мөнгийг ийнхүү өнөөдөр салхинд хийсгэж сууна.