БНСУ-д энэ сарын 9-ний өдрөөс хойш үргэлжилсэн борооны орсоны улмаас нутгийн төв болон өмнөд хэсэг үерт автаад байгаа юм. Одоогийн байдлаар үерийн аюулаас 10 мянган иргэнийг үерийн бүсээс нүүлгэн шилжүүлжээ.  

БНСУ-д үргэлжлэн орсон борооны улмаас үерийн нөхцөл байдал хүндэрч, амиа алдсан иргэдийн тоо 41 хүрлээ. Улмаар тус улсын Ерөнхийлөгч Юн Сог Ёль аврах ажиллагааг эрчимжүүлж эхэлжээ.

Ерөнхийлөгч Юн Украин руу хийсэн айлчлалаас ирмэгцээ яаралтай хурал зарлаж, иргэдийг аврах ажиллагааг эрчимжүүлэх чиглэл өгсөн байна. Тэрбээр “Үерийн улмаас амиа алдсан иргэд болон тэдний гэр бүлийнхэнд гүн эмгэнэл илэрхийлж байна” хэмээв.

Чонжү хотын голын усны түвшин нэмэгдсэнээс болж зэргэлдээх зам руу ус орсон. Үүний улмаас хонгилд машинтайгаа гацсан байсан иргэдэд тусламж үзүүлжээ. Тус бүсэд 14 иргэн амиа алдсан бөгөөд есөн иргэнийг эсэн мэнд олжээ.

Эх сурвалж: The Korean Times