Жюү Жицүгийн насанд хүрэгчдийн 20 дахь удаагийн дэлхийн аваргын тэмцээн Улаанбаатар хотноо энэ сарын 15-20-ны өдрүүдэд зохиогдож буй. Тус тэмцээнд 50 орчим орон оролцож байгаагаас Монгол Улс нийт медалийн тоогоороо тэргүүлж байна.

“Улаанбаатар 2023” ДАШТ Мөсөн өргөөнд тав дахь өдрөө үргэлжилж байгаа бөгөөд өнөөдрийн байдлаар Монголын баг тамирчид 10 алт, 13 мөнгө, 13 хүрэл буюу нийт 36 медаль хүртжээ. Удаах байруудад Казахстан улс 10, Канад 7 медальтай бичигдэж байна. 

Олон улсын жюү жицүний холбооноос 2022 оны дөрөвдүгээр сард 20 дахь удаагийн ДАШТ-ийг манай оронд зохион байгуулах эрхийг өгч байжээ.