АТГ-аас Хөгжлийн банкны чанаргүй зээлтэй холбоотойгоор Ерөнхий сайд асан Н.Алтанхуягийг яллагдагчаар татжээ. Түүнийг “Бэрэн”, “Эрдэнэс Монгол” компаниудын Хөгжлийн банкнаас авсан зээлтэй холбогдуулан хилийн хориг тавьж, яллагдагчаар татаад байна. 
Мөн УИХ-ын гишүүн асан Ё.Баатарбилэг нарын дөрвөн гишүүнийг яллагдагчаар татан хилийн хориг тавьж, хэргийг шүүхэд шилжүүлэхээр төлөвлөжээ. Түүний хувьд “НВЦ” компанийн Хөгжлийн банкнаас авсан зээлд хамааралтай гэж үзсэн ба эрх мэдлээ ашиглан нөлөөлсөн гэж буруутгажээ. Тодруулбал, тус компани нь Төв аймгийн Баянчандмань суманд шувууны аж ахуйн чиглэлээр төсөл хэрэгжүүлэхээр 2017 онд 21 сая ам. долларын зээл авсан ба өнөөдрийн байдлаар зээлийн үлдэгдэл 74 тэрбум байгаа аж.