АТГ-ынхан “Монголын үндэсний допингийн эсрэг төв”-ийн Ерөнхийлөгч Ж.Хатанбаатар, Гүйцэтгэх захирал М.Мөнхболд нарын гэр болон эмнэлэгт нэгжлэг явуулсан билээ. Тэгвэл үргэлжлүүлээд үндэсний шигшээ багийн дасгалжуулагч Д.Батнямын гэрт нэгжлэг хийжээ. Улмаар Д.Батнямын гэрээс дөрвөн төрлийн 28 ширхэг допингийн хамгийн хүнд төрлийн бэлдмэл олдсон байна. АТГ-ын мөрдөгчид илэрсэн бодисыг яг одоо хурааж байгаа ажээ. Түүнийг Монгол Улсын Аварга Э.Оюунболдын багш, дасгалжуулагч гэх тодотголтойг олон нийт мэдэх билээ. Э.Оюунболдоос допинг илрэх үеэр тэрбээр “Э.Оюунболдоос мөнгө нэхсэн хүмүүс бид хоёрыг гүтгэж эхэллээ” хэмээн ярилцлага өгч байсан юм.