Хөгжлийн банкны асуудлаар нотлох баримт шинжлэн судлах сонсгол үргэлжилж, 65 гэрч оролцож байна.  Сонсголын эхэнд Бэрэн группэд олгосон зээлийн талаар гишүүд асуулт асууж, хариулт авч буй юм. 
УИХ-ын гишүүн Э.Батшугар:  Хөгжлийн банк хөгжиж байгаа улс оронд байх ёстой гэж боддог. Хөгжлийн төслийг дэмжих гэвч буруу зөв, жишиг олон байна. 2016 онд Малайзын Хөгжлийн банк дампуурсан. Нэг адил зүйл нь эх үүсвэр нь гадаадын бонд юм. БНСУ-ын Хөгжлийн банк бол зөв жишиг юм. Харамсалтай нь, Хөгжлийн банкинд зээл олголт нь зориулалтын дагуу юу, зарцуулалт хуулийн дагуу юу гэж асуумаар байна. Нэгд, тухайн үеийн Хөгжлийн банкны удирдлагууд явцын шалгалт хийж байсан уу, зээл олгочихоод. Хоёрт, шинжээчийн дүгнэлтэд 7,2 сая ам. долларыг зориулалт бусаар ашигласан гэж гарсан. Зориулалтын дагуу ашигласан бол төсөл амжилттай хэрэгжих байсан уу гэж асууя. 
Хөгжлийн банкны захирал Б.Мөнхтөр: Гангийн үйлдвэр зориулалтын дагуу байсан. Барьцаа хөрөнгө байсан уу гэж байна. Бид өмнө гурван үйлдвэр барьчихсан, 243 тэрбум төгрөгийн эд хөрөнгөтэй гэж үзсэн. Харин бидний авах зээл 44 тэрбум байсан. Зээлийг зориулалтын дагуу ашигласан зарцуулсан гэж хэлье.