Аравдугаар сарын 17-ны үүрээр Баян-Өлгий, Тува талын хил орчмоор 4-5 морьтой хүн Монгол улсын хилийг зөрчих оролдлого хийж, хилийн бүсийн торыг эвдсэн үйлдэл гаргажээ. Энэ үеэр Увс аймгийн Сагил сумын 0245-р заставын алба хаагчид сануулга өгсөн боловч тус иргэд үйлдлээ таслан зогсоогоогүй тул 40 орчим насны эрэгтэй бууны сумд өртөж амь насаа алдсан байна. Мөн хил зөрчиж явсан нэг хүн буудуулж, хүндээр шархадсаныг 0алба хаагчид нисдэг тэргээр эмнэлэгт хүргэж, анхны тусламж үзүүлжээ.
Одоогоор хууль бусаар нэвтэрсэн 4-5 иргэн ямар шалтгаанаар хил зөрчсөн нь тогтоогдоогүй байгаа бөгөөд энэ асуудлыг Увс аймгийн цагдаагийн газар болон хилийн тагнуулын алба хэрэг бүртгэн шалгаж байна.