БНСУ-ын Ерөнхийлөгч Юн Сок Ёлын протокол хариуцсан нарийн бичгийн дарга Ким Сүн Хий охин нь сургуулийнхаа хүүхдээ дээрэлхсэн гэгдэж яригдах болсон тул баасан гарагт /2023.10.20/ огцорчээ. Ерөнхийлөгчийн тамгын газар гуравдугаар ангид сурдаг Кимийн охин хоёрдугаар ангийн хүүхдийг дээрэлхсэн гэх хэргийг шалгаж эхэлснээс хэдхэн цагийн дараа ажлаа хүлээлгэн өгсөн байна. Түүний огцрох хүсэлтийг шууд хүлээн авсан гэж Ерөнхийлөгчийн тамгын газрын хэвлэлийн төлөөлөгч И До Вон мэдээлжээ. Ким “Эцэг хүний хувьд би хариуцлагаа гүнээ хүлээж байна. Засгийн газарт ямар нэгэн дарамт учруулахгүй” гэж хэлээд огцорсон аж.
Эх сурвалж: Yonhap News