УИХ-ын чуулганы үдээс хойших нэгдсэн хуралдаан 14.00 цагт эхэллээ.
Хуралдаанаар Эрүүгийн хэрэг хянан шийдвэрлэх тухай хуульд нэмэлт өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийг хэлэлцэх нь зүйтэй гэсэн санал хураалт явуулав. УИХ-ын гишүүдийн 57.1 нь дэмжсэнээр анхны хэлэлцүүлэгт бэлтгүүлэхээр Хуульзүйн байнгын хороонд шилжүүллээ. Мөн үргэлжлүүлэн Газрын тухай хуульд нэмэлт өөрчлөлт оруулах тухай хуулийн төслийг хэлэлцэж, дэмжлээ. Энэхүү хуулийн төсөлд УИХ дахь Ардчилсан намын бүлэг дөрөв хоногийн завсарлага аваад байсан ч завсарлагын хугацаа дуусчээ. Улмаар хуулийн төслийг үзэл баримтлалын хувьд дэмжих нь зүйтэй гэж гишүүдийн олонхи үзсэн тул анхны хэлэлцүүлэгт бэлтгүүлэхээр холбогдох байнгын хороонд шилжүүллээ.
Хэлэлцэх асуудал дууссан тул чуулганы нэгдсэн хуралдаан завсарлав.