Хорвоо дэлхий таагүй сөрөг үйл явдлаар дүүрсэн мэт санагдаж байна уу? Тэгвэл сүүлийн үед дэлхий дахинд өрнөсөн дараах эерэг үйл явдлуудтай танилцаарай.

#1 Этиоп гаралтай америк иргэншилтэй 14 настай хүү Хеман арьсны хорт хавдрын эмчилгээний чадвартай биеийн саван бүтээж, түүнийг "АНУ-ын топ залуу шинжлэх ухаанч"-аар шалгарууллаа. 

#2 Дэлхий дахинд ДОХ-ын тохиолдол бүртгэгдэх нь 2010 оноос хойш 51 хувиар, 2004 оноос хойш 69 хувиар тус тус буурчээ. 2022 онд 630 мянган хүн ДОХ-ын улмаас амиа алдсан байна. 

#3 Зөвхөн дементиа өвчтэй ахмадууд үйлчилдэг ресторан Японд нээгджээ. Япон улсын хүн амын 30 хувь буюу 125.7 сая хүн 65 ба түүнээс дээш насныхан. Тус улсын зургаан сая ахмад дементиа буюу ой санамж, сэтгэцийн олдмол эмгэгтэй хэмээн оношлуулаад буй. 

#4 Бразилын шүүх маргаантай газар эзэмших асуудлыг нутгийн уугуул иргэдийн талд шийдвэрлэж, олон мянган уугуул иргэд баяраа тэмдэглэлээ. 

#5 Дэлхийд анх удаа "Inner Cosmos" компани сэтгэл гутралыг намжаах тархины суулгацыг зохион бүтээлээ. 

#6 Дууны долгион нь хавдар устгах чадвартайг судлаачид тогтоож, химийн эмчилгээний оронд дууны долгион ашиглан хавдрыг задлан эмчлэхийг АНУ-ын хүнс, эмийн захиргаанаас зөвшөөрлөө. 

#7 АНУ-ын Чикаго хотын "Lyric Opera" брэнд сонсголын бэрхшээлтэй хүмүүст болон хөгжимд дурлагсдад зориулан дуу хөгжмийг биеэрээ мэдрэх шинэлэг технологи бүхий хөгжимт цамцыг танилцууллаа.

Эх сурвалж: Happy Broadcast