Төв аймаг ОХУ-ын Братск хотод үйлдвэрлэсэн байгалийн гаралтай шахмал түлшийг хэрэглээнд нэвтрүүлэх гэж байна. Энэ талаар өнгөрсөн долоо хоногт Монгол Улс ОХУ уулзан харилцан санал солилцсон аж.

Тодруулбал, ОХУ-ын Эрхүү мужийн Братск хотод шилмүүст модны үртсийг өндөр технологиор нягтаршуулан шахмал түлш гарган авсан байна. Тухайн түлшний найрлагад нарс, шинэс үртэс орсон тул байгальд ээлтэй, хурц үнэргүй, оч үсэрдэггүй, утаа, хөө тортоггүй, угаарын хий ялгаруулдаггүй гэж Оросын тал мэдээлэв. Мөн нэг тонн түлшийг нэг метр квадратад хадгалах боломжтой, зай бага эзэлдэг, хог хаягдал, үнс үүсгэдэггүй олон давуу талтай гэж онцолжээ.