Ерөнхийлөгчийн хятадаар ярьсан мэт хувиргасан бичлэгийг Өвөр Монгол хаягаар анх оруулж, цагийн дотор 780 шэйр хийгдэж тарсан байжээ

Тодруулбал, 2023 оны 11 дүгээр сарын 19-нд Талын дуу хоолой радио үзэх нэртэй, “ӨМ-ын “Талын дуу хоолой” радиогийн албан ёсны цахим хуудас, Фм102.1 долгионоор радиог маань сонсоорой” гэсэн тайлбартай пэйжид “Хятад хэлээр маш сайн ярьж байна” гээд Монгол Улсын Ерөнхийлөгч У.Хүрэлсүхийг хятад хэлээр мэндчилгээ дэвшүүлж байгаа мэт ярьсан бичлэг түгээсэн байна. Уг бичлэгээ цаг орчим хугацааны дараа устгасан ба 780 гаруй удаа шэйрлэсэн байна. Мөн тухайн бичлэгийн скрийншотыг авч, цахимд түгээсээр байна.

Бичлэгийн зүүн дээд буланд байх TikTok ID болох 80630423918 кодоор хайхад “tsahim yortonts” нэртэй Өвөрмонголд байрлалтай хаягаар анх оруулсан байв.