Хөгжлийн банкны Хянан шалгах түр хорооны сонсгол гурав дахь өдрөө Төрийн ордонд үргэлжилж байна. Яг одоо Худалдаа хөгжлийн банкны ТУЗ-ийн дарга Д.Эрдэнэбилэгийн "Кью Эс Си" ХХК-ийн Хөгжлийн банкнаас авсан зээлийг хэлэлцэж байна. Эл компани нь 2014 онд Хөгжлийн банкнаас Төмөртэй ордоос Хандгайт өртөө хүртэлх 33.4 км төмөр зам барих төслөөр 71.3 сая ам.долларын зээл авчээ. Шинжээчийн дүгнэлтээр "Кью Эс Си" ХХК Хөгжлийн банкнаас авсан тус зээлийн нийт санхүүжилтээс 36.5 сая ам.долларыг Улаанбаатар хот дахь Монголбанк дахь долларын харилцах дансаа зузаатгаж, 29.7 сая ам.долларыг Худалдаа хөгжлийн банк дахь зээлээ хаасан байна. Иймээс тус зээлийг зориулалтын дагуу зарцуулсан гэж үзэх боломжгүй гэсэн дүгнэлт гарчээ.