Иргэн “Л” гэгч нь 2019 оноос хойш Архангай, Булган, Төв аймгийн нутгуудаас 40 удаагийн үйлдлээр үхэр, адуу зэрэг 465 тоон бод малыг хулгайлж, нядалсан хэргийг цагдаагийн байгууллагаас илрүүлэн шалгаж байна. Ийнхүү мөрдөн шалгалтын явцад мөн “Г” гэгч нь бусадтай бүлэглэн Эмээлт зах, Дэнжийн 1000 зэрэг худалдааны төвүүдэд мал, амны ченжүүд болох С,Б,Х нарт мал махаа худалдан борлуулж, иргэдэд 1,2 тэрбум орчим төгрөгийн хохирол учруулсан болох нь тогтоогджээ. Дашрамд, энэ онд мал хулгайлах гэмт хэргээс урьдчилан сэргийлэхэд малчид,  иргэдийг оролцуулж тэдний хууль эрх зүйн мэдлэгийг дээшлүүлэх, соёл урлаг, хэвлэл мэдээллийн байгууллага, мэргэжлийн бусад байгууллагуудтай хамтарч соён гэгээрүүлэх ажлуудыг хийхээр болжээ. Үүнийг “Мал хулгайлах гэмт хэргээс урьдчилан сэргийлэх” дэд зөвлөлийн ээлжит хуралдааны үеэр 2023 оны үйл ажиллагааны төлөвлөгөөнд хэлэлцэн баталжээ.