Нүүрсний сонсголын хоёрдугаар шатны гурав дахь өдөр үргэлжилж байна. Өнөөдөр "Тавантолгой түлш" ХХК-ийн тендер худалдан авалттай холбоотой асуудлыг хөндөж байгаа юм. Энэ үеэр шинжээч тус компанийн актлахаар саналд оруулсан зүйлсэд шалгалт хийжээ. Ингэхэд, Эргэлтийн хөрөнгөд 2019 онд худалдан авснаас үлдсэн 0.868 тонн 668,360 төгрөгийн 2021 оны худалдан авсан 160,23 тонн буюу 120,172,500 төгрөгийн үнэ бүхий нийт 161.098 тонн буюу 120,840,860 төгрөгийн гурил байгааг мэдээлсэн юм. Үүнтэй холбогдуулан асуулт хариулт боллоо.

Б.Жаргалмаа гишүүн: 2019 онд сайжруулсан түлшийг агаарын бохирдлын эсрэг хэрэглэж эхэлсэн. Зарим архивын материал нь бас л устсан байна. Яагаад архивын материал устдаг юм бэ? Актлахаар санал оруулж буй эргэлтийн хөрөнгөд 120 сая төгрөгийн гурил байна. Үүнийг тайлбарлаач?

ТТТ ХХК-ийн ерөнхий инженер Ц.Алтансүх: Шахмал түлшинд нарийн технологи байхгүй. 2020-2021 онд хил гааль хаалттай ковидын үед барьцалдуулагч материал тасалдсан. Үүнийг орлуулах байдлаар гурил ашиглах гэж байсан боловч болоогүй. Агуулахад 2-3 жил хадгалагдсан учраас агтлахаас аргагүй болсон.