Анх 1809 оны нэгдүгээр сарын 4-ний өдөр Франц Улсад мэндэлсэн Луи Брайл зургаан цэгээр бичдэг брайл үсгийг зохиожээ.

Тэрбээр 1924 онд зургаан цэгийн тусламжтайгаар үсэг тоог уншиж болох товгор бичиг үсгийн тогтолцоог буй болгосон байна. 1829-1879 онд Англи, Герман, Америкт түгэн дэлгэрч 1878 онд Ромд болсон бүх дэлхийн конгрессоос брайлийн бичиг үсгийг хараагүй хүнд зориулсан албан ёсны бичиг хэмээн баталжээ.

Брайл үсэг нь харааны бэрхшээлтэй иргэдийн харилцаа холбооны хэрэглэгдэхүүн болохын зэрэгцээ нийгмийн амьдралд оролцоход нь маш чухал үүрэг гүйцэтгэж байна.

Энэхүү өдрийн гол зорилго нь брайл үсгийн боловсрол, тус бичгийг ашиглан бичсэн ном, гарын авлага, сурах бичиг, тэмдэглэгээг нэмэгдүүлэхийг дэмжихээс гадна брайл үсгийг харилцаа холбооны чухал хэсэг болохыг ойлгуулж, харааны бэрхшээлтэй иргэдийн эрхийн асуудалд анхаарлаа хандуулахад оршино.

Монгол Улс 1963 онд харааны бэрхшээлтэй хүүхдүүдэд боловсрол олгох сургуультай болж, 1964 оноос брайл үсгийг заах болжээ гэж Гэмт Хэргээс Урьдчилан Сэргийлэх Ажлыг Зохицуулах Зөвлөлөөс мэдээлэв.