Өнөөдрийн цочром мэдээ яруу найрагч, СГЗ Ц.Хуланг ТЕГ-аас саатуулсан тухай байв. Түүнийг ямар шалтгаанаар саатуулсан талаар Хууль зүй дотоод хэргийн сайд Х.Нямбаатар мэдээлэл өглөө.
 

Х.Нямбаатар: “Би ТЕГ-ын дарга П.Одонбаатартай утсаар холбогдож,товч мэдээлэл авсан. Яруу найрагч Ц.Хуланг тэдний харьяаллын хэрэгт шалгах шаардлагатай болоод баривчилсан.  Энэ нь Эрүүгийн хуульд заасан төрийн эсрэг гэмт  хэрэгт холбогдуулан шалгах шаардлага үүссэн гэсэн мэдээллийг өгсөн.
Манайд гурван мөрдөх алба байдаг. Тагнуулын харьяаллынх үндэсний аюулгүй байдлыг эсрэг гэмт хэргүүд байдаг. Тодруулбал, эх орноосоо урвах, тагнуул хийх гэх мэт хэрэгт ТЕГ мөрдөн шалгах ажиллагаа явуулдаг. Эрүүгийн хуулийн 22 дугаар бүлэгт заасан авлига, албан тушаалын хэрэгт АТГ, бусад бүх хэрэгт цагдаагийн байгууллага шалгалт явуулдаг” гэлээ.