УОК өнөөдрийн ээлжит мэдээлэл өгөх үеэр дэлбэрэлтэд өртсөн "Edu Apartment" хотхоны барилгын асуудлыг цагдаагийн байгууллага шалгаж байгаа талаар мэдээллээ. Тодруулбал, тухайн барилгын үндсэн суурь бүтцэд Барилга хот байгуулалтын яамны Төрийн нарийн бичгийн даргаар ахлуулсан мэргэжлийн баг шинжилгээ хийж байна. Дүгнэлт ойрын хугацаанд гарна гэв. Урьдчилсан байдлаар лабораторийн дүгнэлтүүд хүлээгдэж байгаа гэсэн мэдээлэлтэй байна гэдгийг онцоллоо.
Эргэн сануулахад, Баянзүрх дүүргийн 26 дугаар хороонд гарсан ослын шалтгааныг мөрдөн шалгах ажил үргэлжилж байгаа бөгөөд тухайн үед үүрэг гүйцэтгэж байсан гурван албан хаагч газ ачиж явсан машины ёмкость 40 метр шидэгдэх үед дарагдаж нас барсан. Мөн тухайн бүсэд явсан иргэд амь нас эрүүл мэндээрээ хохирсон харамсалтай осол гарсан.