Долоон машин дайрч, бага насны хоёр охиныг мөргөж гэмтээсэн иргэн Ч. Маралмаад холбогдох хэргийн шүүх хурал маргааш Баянзүрх дүүргийн Эрүүгийн хэргийн анхан шатны шүүхэд болох юм. Насанд хүрээгүй хохирогчтой хэргийн бүх шатны шүүх хурал хаалттай явна гэж хуульд заасны дагуу маргаашийн шүүх хаалттай болох юм байна. Ослын улмаас хохирсон охины гэмтлийн зэргийг шинжээч “хүндэвтэр” гэж дүгнэсэн бол, Ч. Маралмаа энэ дүгнэлтийг хүлээн зөвшөөрөөгүй юм. Шүүхийн урьдчилсан хэлэлцүүлгийн үеэр тэрээр дээрх дүгнэлтийг эсэргүүцэж, хэргээ шүүхэд шилжүүлсэн. Мөн охины асаргаа муу байгаагаас хөл эдгэхдээ эвгүй сорвитой болсныг эцэг эхийн буруу гэж мэдэгдсэн. Ингээд ахин ши нжээч томилох хүсэлтээ шүүхэд мэдүүлсэн байдаг юм.