“ Энэ салдаггүй, хүнд ханиаданд юу ууж, ямар эм тан хэрэглэвэл сайн байна вэ?” гэсэн асуулт олон цахим хэрэглэгчдийн нүүр номноо харагдана. Сүүлийн үед ард иргэдийн дунд эрчимтэй тархаж байгаа, вирусын гаралтай ханиад нь ковидын шинж тэмдэгтэй адил төстэй байгааг иргэд хэлж байна. Тэгвэл энэ ханиад нь хүйтэнд тэсвэртэй болохоор халуун эмчилгээ буюу сармис, битүү шөл, халуун ногоотой хоолонд улам хүндэрч, антибиотик болон халуун тарианы эмчилгээ зохихгүйг эмч зөвлөж байна. Тиймээс хөнгөн чанарын эмчилгээ буюу жишээ нь содатай халуун усаар хоолойгоо утаж, ханиадны вирусыг устгаарай гэжээ. Ингэхдээ 250 грамм буцалсан халуун усанд нэг амны том халбага сода хийн, усаа хөртөл нь хоолой хамраа битүү утаж, хөлрөх хэрэгтэй. Ханиадны вирус мөгөөрсөн хоолой болон гуурсан хоолойд идэвхжиж байгаа тул мөгөөрсөн, гуурсан хоолойгоо цэвэрхэн байлгах хэрэгтэй. Түүнчлэн хамар руугаа содатай бүлээн ус татаж сорон, хамраа цэвэрлэх,   халуун бүлээн усанд хөлөө дүрэх, даарахгүйгээр хөлөрч унтах нь хамгийн зөв эмчилгээ болно гэж мэргэжлийн эмч зөвлөж байна.