Гэмт этгээд С.Э гэгч нь фэйсбүүкийн “А.Анударь, Болоршагай.Т” гэсэн хуурамч хаягуудыг ашиглан “Хүүхдүүд” нэртэй нууц групп чат үүсгэжээ. Тэрээр энэ чатаа 2022 оны хоёрдугаар сард үүсгээд, бага, өсвөр насны хүүхдүүдийн садар самуун агууламж бүхий дүрс бичлэг, зураг зэргийг цуглуулж хадгалсан байжээ. Улмаар иргэдээс 5000-10.000 төгрөг авч “Хүүхдүүд” групп чатад оруулан, бага, өсвөр насны хүүхдүүдийн садар самуун зураг, бичлэгийг үзүүлж, тарааж байсан байна. Уг этгээдийн хийсэн үйлдэлд Баянзүрх дүүргийн Эрүүгийн хэргийн анхан шатны шүүхээс 2 жилийн хорих ял шийтгэжээ. Өнгөрсөн онд “Хүүхдэд садар самууныг сурталчлах, уруу татах” гэмт хэрэг 40 бүртгэгдсэн, харин “Хүүхэд оролцуулж садар самуун сурталчлах” гэмт хэрэг зургаа бүртгэгдсэн байна.