Дөрөв хоногийн өмнө буюу энэ оны аравдугаар сарын 24-ний шөнө 00:00 цагийн орчимд МАН-ын хамаарал бүхий хоёр этгээд нэгнээ хутгалж, хүндээр гэмтээсэн хэрэг гарчээ.

Эх сурвалжийн мэдээлж буйгаар, УИХ-ын гишүүн, Монгол Улсын Шадар Сайд С.Амарсайханы багийнхан Налайх дүүрэгт байрлах “Үйлдвэр технологийн парк”-ийн оффист архидан согтуурах үеэр “Үйлдвэр технологийн парк”-ийн захирал С.Батжаргал НИТХ-ын төлөөлөгч Д.Отгонсүрэнгийн цээжин хэсэгт хутгалсан бөгөөд энэ үйлдэл нь албан тушаалаа булаацалдсаны улмаас болсон" хэмээв. Улмаар С. Батжаргалд хутгалуулсан НИТХТ Д.Отгонсүрэн “Цэргийн төв эмнэлэг”-ийн сэхээн амьдруулах тасагт эхний хагалгаандаа орсон ч биеийн байдал хүнд, дахин хагалгаанд орох товтой байгаа аж.