Өнөөдөр АТГ-аас мөрдөн шалгаж буй хэргүүдийн талаар мэдээлэл өглөө. Нүүрсний гэх хэргээр нийт 36 хэрэгт мөрдөн шалгах ажиллагаа явуулснаас одоогоор гурван хэргийг мөрдөн шалгах ажиллагаа дуусч, прокурорт шилжүүлжээ. Дээрх хэрэгтэй холбоотойгоор нийт 127 обьектод нэгжлэг хийж, 426 иргэнээс гэрчийн мэдүүлэг авч, 66 иргэн, албан тушаалтныг эрүүгийн хэрэгт яллагдагчаар татаад байгаа юм байна. Мөн:
 

-Долоон яллагдагчид цагдан хорих таслан сэргийлэх арга хэмжээ авсан
 

-19 хүнд хилийн хориг тавьсан
 

-5 хүнийг албан үүргээс түдгэлзүүлсэн байна
 

Хэргийг шалгах явцад 13.8 тэрбум төгрөгийг хахууль болгон авсан байж болзошгүй нөхцөл үүссэн ба 81 хөрөнгийг битүүмжилсэн гэлээ. Үүнд: 
 

-78 орон сууц
 

-Оффисын 4 байрны шилжилт хөдөлгөөнийг хязгаарлаж
 

-630 сая төгрөг илэрснийг битүүмжлэн, хууль зөрчих байдлаар олсон эсэхийг шалгаж байгаа юм байна. 
Мөн хээл хахуулийн замаар авсан мөнгөөр Хан-Уул дүүргийн нутаг дэвсгэрт спорт цогцолбор, орон сууцны барилгын ажил эхлүүлж, хууль бусаар олсон мөнгийг нуун дарагдуулсан үйлдлүүдийг шалгаж байна гэсэн мэдээлэл өглөө.