Хан-Уул дүүргийн алслагдсан бүсийн гэр хорооллын уруу зам, нийтийн эзэмшлийн зам талбайн халтиргаа ихтэй өгсүүр болон уруу авто замуудад яаралтай үед ашиглах давсны авдрыг тавьжээ. Тодруулбал, арван байршилд буюу өгсүүр зам талбайд нийт 20 ширхэг давсны авдрыг байрлуулж, гурван тонн орчим давсаар дүүргэсэн байна. Үүнээс гадна давс, бодис цацдаг тусгай зориулалтын автомашинаар зам талбайн сүүдэрлэг болон машины яндангийн уснаас үүссэн мөс ихээр тогтсон халтиргаа ихтэй хэсгүүдэд хэсэгчлэн давс цацаж байгаа талаар Хан-Уул дүүргийн Тохижилт үйлчилгээний төвөөс мэдээллээ.