Хойд Солонгосын удирдагч Ким Жон Уны төрсөн дүү Ким Ёо Жон байлдааны танкуудыг Украинд нийлүүлэх АНУ тэргүүтэй өрнөдийн орнуудын шийдвэрийг хатуу шүүмжилсэн мэдэгдэл хийснийг Пёньяны төв хэвлэл дамжуулжээ. Тодруулбал, “АНУ-ын эрх баригчид Украинд хуурай газраар довтлох зориулалттай хүнд зэвсэг техник нийлүүлэх замаар дайныг өргөжүүлж буйд миний санаа маш их зовж байна.

 
АНУ бол Орос улсын стратегийн аюулгүй байдалд ноцтой аюул учруулж, бүс нутгийг хүнд нөхцөл  руу түлхэж буй гэмт хэрэгтэн мөн. АНУ болон Өрнөдийнхний бахархдаг зэвсэг техник нь Оросын баатарлаг арми, ард түмний няцашгүй тэмцэл, хүч чадлын өмнө хэсэг хэсгээрээ шатаж сүйрнэ гэдэгт би эргэлзэхгүй байна” гэжээ.