Авлигатай тэмцэх газраас Нүүрсний хулгайн хэрэгт 50 орчим хүнийг холбогдуулан шалгаж байгаа гэсэн мэдээлэл өгсөн ч 17-гийнх нь нэрийг зарласан. 
Тэгвэл Нүүрсний 17 хулгайчийн дунд нэрс нь орсон, ороогүй зарим албан тушаалтны орон байр, ажлын оффист нь өчигдөр орой нэгжлэг хийжээ. Тодруулбал, УИХ-ын гишүүн Д.Бат-Эрдэнэ, Ж.Мөнхбат, Хөдөлмөр, нийгмийн хамгааллын сайд Т.Аюурсайхан, “Эрхэт монгол” группийн ТУЗ-ийн дарга Х.Мандахбаяр нарын ажлын байр, гэр болоод хамаарал бүхий хүмүүсийнх нь орон байр, объектод нэгжлэг хийсэн байна. 
Эдгээр эрхмээс УИХ-ын гишүүн “Ажнай” Д.Бат-Эрдэнэ, Х.Мандахбаяр нарын нэрсийг АТГ-аас зарласан ч УИХ-ын гишүүн Ж.Мөнхбат, сайд Т.Аюурсайхан нарын нэр шинээр орж ирлээ.