Засгийн газрын өнөөдрийн ээлжит хуралдаанаас гаргасан шийдвэрийг танилцууллаа. Энэ үеэр,
Эдийн засаг, хөгжлийн сайд Ч.Хүрэлбаатар:

-Монгол Улсын валютын нөөц 2022 оны эцсээр хоёр тэрбум ам.доллараас доошоо орох эрсдэл үүссэн учир Ажлын хэсэг байгуулж байсан. Харин оны сүүлчээр гурван тэрбум 400 сая ам.доллар болж өсч, ингэснээр ОУВС-гийн хөтөлбөрт орж, дефольт зарлах эрсдэлээс бид зайлсхийж чадлаа. Засгийн газар энэ талаар арга хэмжээ авч ажиллахдаа олны хэл ам дагуулсан хэдий ч эерэг үр дүн гаргасан гэдгийг онцолъё. Цаашдаа Засгийн газар нүүрсийг амны үнээр бус хилийн үнээр зарах шийдвэр, тогтоол гаргасан. Амны үнээр бол, нэг тонн нүүрсийг 109 ам.доллараар зарж байсан бол хилийн үнээр 200 гаруй ам.доллараар зарж буй. Бараг хоёр дахин гэсэн үг гэв.