Пакистаны баруун хойд хэсгийн Танда нууранд багш нарынхаа хамтаар завьтай аялал хийж байсан сурагчид живж, осолдсон харамсалтай явдал болжээ. Эрэн хайх, аврах ажиллагаа гуравдахь өдрөө үргэлжилж одоогоор 51 хүний цогцсыг гаргаж авсны 49 нь хүүхэд байгаа аж. Мөн ослоос дөрвөн сурагч, нэг багшийг эсэн мэнд гарган авчээ. 
Осолдсон шалтгааныг 20-25 хүний багтаамжтай завин дээр даац хэтрүүлж, нэг завин дээр хэт олон хүүхэд суулгаснаас болсон хэмээн урьдчилсан байдлаар дүгнэжээ. Эндсэн хүүхдүүд шашны нэг сургуулийн 7-14 насны хөвгүүд юм байна. 
Пакистанд өмнөхөн нь амиа золиослогч сүм дэлбэлж, 30 орчим хүн амиа алдсан  хэрэг гарсан билээ.