Нийслэлийн агаарын чанарын төлөв байдлыг Цаг уур, орчны шинжилгээний хүрээлэнгээс танилцууллаа. 

Хотын агаарын чанарыг гэр хороолол, авто зам, орон сууцны хороолол, үйлдвэрийн дүүрэг орчмын 18 цэгт тодорхойлсон байна. Тус цаг уурын үзүүлэлтүүдийг авто багажаар тодорхойлдог аж. Үүнд агаар бохирдуулах бодис болох хүхэрлэг хий (SO2), азотын давхар исэл (NO2), PM2.5, PM10 тоосонцор, нүүрстөрөгчийн дутуу исэл (CO), озон (O3) зэргийг тодорхойлжээ. 

Нийслэл хотын өнгөрсөн сарын агаар бохирдуулах бодисын дундаж агууламжийг өмнөх оны мөн үетэй харьцуулахад PM10 тоосонцор таван хувиар бага, PM2.5 тоосонцор найман хувиар, азотын давхар исэл (NO2) нь зургаан хувиар, хүхэрлэг хий дөрвөн хувиар тус тус буурсан байна. 

Харин нийслэлийн агаарын чанарын стандарт MNS 4585:2016 дахь хүлцэх агууламжаас 3.3 дахин их гарчээ.