Хөдөлмөр нийгмийн хамгааллын сайд Т.Аюурсайханы "туслах"-уудыг "хууль бус мөнгөө хэлбэрийг нь өөрчилж, хаус хороолол барьсан" хэмээн шалгаж байгаа билээ. Үүнтэй холбоотойгоор АТГ-аас Хөдөлмөр нийгмийн хамгааллын сайд Т.Аюурсайханыг яллагдагчаар татах саналаа прокурорын байгууллагад хүргүүлсэн юм. Тэгвэл прокуророос Т.Аюурсайханыг Эрүүгийн хуулийн 22.1.1 дэх хэсэгт зааснаар яллагдагчаар татжээ. Мөн үүнтэй холбоотойгоор Эрүүгийн хэрэг хянан шийдвэрлэх тухай хуулийн 14.5.1 дэх хэсэгт зааснаар түүнд хилийн хориг тавих таслан сэргийлэх арга  хэмжээ авах  саналаа прокуророос шүүхэд хүргүүлжээ. Нүүрсний хэрэгт яллагдагчаар татагдсан Хөдөлмөр нийгмийн хамгааллын сайд Т.Аюурсайханд хилийн хориг тавих таслан сэргийлэх арга хэмжээ авах прокурорын дээрх саналыг өнөөдөр  шүүх хэлэлцэн шийдэх юм байна.