Цагдаагийн байгууллагад "Орхон аймгийн нутаг дэвсгэрт дэлгүүрийн гадна асаалттай орхисон автомашинаас бэлэн мөнгө хулгайд алдсан” гэх дуудлага, мэдээлэл ирүүлжээ.
Дуудлагын дагуу тус аймгийн цагдаагийн газраас шалгахад Lexus маркийн автомашинаас гурван сая төгрөг бэлнээр алдагдсан байсан. Мөнгийг  11, 14, 15 настай хүүхдүүд хулгайлсныг цагдаа нар шуурхай илрүүлж, мөрдөн шалгах ажиллагаа явуулж байна.
Сар шинийн баяр ойртож зах худалдааны төвүүдэд иргэдийн хөдөлгөөн нэмэгдэж хулгайлах, залилах төрлийн гэмт хэрэг, зөрчил үйлдэгдэж болзошгүй тул иргэд та бүхэн энэ төрлийн гэмт хэргээс урьдчилан сэргийлэхийг цагдаагийн байгууллагаас сэрэмжлүүлж байна.