Нүүрсний хулгайн хэргийг илрүүлэх, холбогдох хүмүүст хариуцлага тооцохыг шаардсан жагсаал Төв талбайд өнгөрсөн оны сүүлчээр 20 гаруй хоног үргэлжилсэн. Энэ нь ч үр дүнгээ өгч, УИХ-ын гишүүн, сайд нараас гадна нийтдээ 87 хүнийг уг хэрэгт холбогдуулан шалгаж, эхнээсээ шүүхийн өмнө очихоор болоод байна.

Мөн жагсагчид хаврын чуулган эхлэхээр Төв талбай дахь эсэргүүцлийн жагсаалаа үргэлжлүүлэх бөгөөд өнөөдөр тэд мэдээлэл хийн, нүүрсний хулгайг таслан зогсоохын тулд “Эрдэнэс Тавантолгой”-г ард түмний мэдэлд 100 хувь өгөхийг шаардан төр, засагт шаардлагаа хүргүүлнэ гэлээ. “Эрдэнэс тавантолгой” ард түмний өмч. Тиймээс эздэд өмчийг нь буцааж өг гэх шаардлагыг тавьж байгаа аж.

Тиймээс Төв талбайд иргэдийн гарын үсгийг цуглуулж эхэлжээ.