УИХ-ын чуулганы хуралдаанаар Төрийн болон орон нутгийн өмчийн хөрөнгөөр бараа, ажил үйлчилгээ худалдан авах тухай хуулийн   шинэчилсэн найруулгын төсөл болон хамт өргөн мэдүүлсэн хуулиудыг хэлэлцэх эсэхийг хэлэлцэж буй юм. Энэ үеэр,
УИХ-ын гишүүн Б.Энхбаяр: 

-Хөрөнгө оруулалтын төрөлжсөн банкнаас үнэт цаас санхүүгийн хэрэгсэл худалдах, худалдан авах харилцааг Монголбанк Санхүүгийн зохицуулах хорооноос баталсан журмаар зохицуулна гэсэн байна. Энэ харилцааг журам биш хуулиар зохицуулах ёстой.  Бүр хуульчлах ёстой. Арилжааны банкны удирдлагууд хувь хүнээрээ, өөрийн үүсгэн байгуулсан хамаарал бүхий компианаараа баталгаа гаргадаг. Өөрийн банкнаас гаргаж байгаа зээл дээрээ өөрөө иргэнээрээ юмуу компианаараа баталгаа гаргаж байгаад мөнгө угаасан ийм тохиолдол олноор илэрч байгаа. Энэ сарын 16-ны өдөр болох түр сонсголд энэ бүхнийг тодорхой факт, нотлох баримттайгаар гаргаж тавина, ярина. Судалж үзэхээр, Монголбанк өөрөө оролцдог, өөгшүүлдэг, хуйвалддаг нөхцөл байдал тогтоогдож байгаа. Тиймээс Монголбанкинд журам хэлбэрээр олгоход би итгэхгүй байна. Хуульчлах ёстой харилцаа” гэв.