Францын Засгийн газар тэтгэвэрт гарах насыг 62-64 болгох хуулийн төсөл санаачилснаа мэдээлсэн нь олон нийтийн бухимдлыг дээд цэгт нь хүргэж, иргэд гудамжинд гарч эсэргүүцлээ илэрхийлж байна. Жагсаалд, улс орон даяар нийт 2,5 сая хүн оролцсон талаар тус улсын Дотоод хэргийн яам мэдээлжээ. 
Өнгөрсөн амралтын өдрүүдэд жагсаал хүрээгээ тэлж, 240 хотод нэгэн зэрэг өрнөж, энэ үеэр эсэргүүцэгчид дэлгүүр, зоогийн газрын цонхыг хагалж, тонож, автомашинуудыг галдан шатааж, эсэргүүцлээ илэрхийлсэн байна. Цагдаа нар эмх замбараагүй байдал үүсэхээс сэргийлж нулимс асгаруулагч хий ашиглажээ. Жагсаал өдгөө түр зуурт намжсан ч иргэд, олон нийт дахин жагсахаа мэдэгджээ.